Hoe om ander mense te celebrate (sonder dat dit soos ’n sirkus lyk)

-

Kom ons wees eerlik: mense is kompleks. Party hou van konfetti, ander kry ’n hartaanval as jy net ’n ballon blaas. Maar een ding is seker: everyone wants to feel as if they are seen.

So, hoe celebrate jy iemand sonder om soos ’n desperate MC by ’n sleg georganiseerde sokkie te klink? Hier’s my onwetenskaplike, maar praktiese gids:

 1. Moenie net sê “Well done” nie.

Dis die emosionele ekwivalent van ’n halfgebakte roosterkoek. Sit iets by:

“Well done, jy’t daai projek oorleef én niemand vermoor nie!”

“Well done, jy’t darem nie vir Excel laat huil nie!”

’n Bietjie humor wys jy het regtig opgelet.

2. Gebruik jou WhatsApp op slim maniere.

Stuur nie net ’n 👍 of 🎉 nie. Stuur eerder ’n voice note wat klink soos ’n sokkerkommentator wat ’n wêreldbeker-doel vier:

“GOOOOAAALLL! En daar’s sy, Hanna van die Vrouekomitee, wat nou net die jaarverslag laat deurgaan soos ’n warm mes deur botter!”

Dis gratis. Dis dramaties. Dis onmisbaar.

3. Eet is altyd ’n plan.

Geen mens in die geskiedenis het ooit gesê: “Ag nee, ek haat dit dat iemand my met koek verras het.”

Cupcakes? ✔

Samoosas? ✔

Pizza? ✔

Daai een tannie se fudge [my gunsteling]  wat eintlik suiker op steroïdes is? ✔✔✔

Kos = celebration. Klaar.

4. Maak dit weird, maar op ’n goeie manier.

As jy jou kollega met ’n handgemaakte kroontjie van Crazy Store se “party aisle” laat sit, gaan sy óf lag óf jou ’n HR-klag lê. Dis ’n fifty-fifty kans – maar darem ’n memorable een. Die lewe is nie altyd 'n lied nie - kom ons probeer met 'n ge-hmmm en dit eindig dalk in 'n pragtige melodie.

5. Onthou: nie almal hou van spotlight nie.

Party mense wil net ’n stil “jy’s awesome” hê, sonder ’n koor wat Happy Birthday in al die amptelike tale sing. Leer jou mense ken. Celebration is nie copy-paste nie – dis custom made.

Slotgedagte

Om ander mense te celebrate is nie rocket science nie. Dis bloot om te sê: “Ek sien jou, ek waardeer jou, en ek’s bereid om vir jou ’n koek te koop of jou vir 10 sekondes soos Beyoncé te laat voel.”

En as jy dit reg doen, gaan mense later jou begin celebrate – dalk met fudge, dalk met konfetti, dalk net met ’n awkward hug. Maar jy’t gewen.

Mooi loop

Roslyn



Opmerkings

Plaas 'n opmerking

Gewilde plasings van hierdie blog

Tussen Afskeid en Begin: Amber se Valedictory

-
Prent
Vandag het my susterskind, Amber, haar valedictory diens gehad — ’n oomblik wat voel soos die eindpunt van ’n lang, kronkelende pad én die begin van ’n heel nuwe reis. Twaalf jaar se skoolloopbaan, plus nog die jare in die crèche, kom vandag tot rus. ’n Groot hoofstuk word afgesluit, maar daar is ook die opgewondenheid van wat voorlê. Ek dink terug aan die klein dogtertjie wat haar eerste oggende by Small Wonders crèche deurgebring het — soms met trane, soms met glimlaggies vol nuuskierigheid. Daarna het sy by Moregrove Laerskool begin, waar sy nie net leer lees en skryf het nie, maar ook leer speel, droom en soms selfs “siek” speel. En dan was daar Uncle Haggie, die bestuurder van die skoolvervoer, wat haar op sulke dae sommer saam met hom gevat het om by sy suster te kuier. Dis hierdie klein stories wat vandag se groot oomblik soveel meer betekenisvol maak. Van daar af het die jare hul eie ritme aangeneem — projekte, sportdae, nuwe vriendskappe, soms hartseer, soms oorwinnings. By ...
Lees meer

Wanneer God jou vra om stil te bly: Gehoorsaamheid in die geheime seisoene

-
Prent
Daar is tye in die lewe wanneer God jou nie roep om te praat nie — Hy roep jou om stil te bly. Nie omdat jy niks het om te sê nie, maar omdat Hy besig is om dinge agter die skerms te rangskik op maniere wat jy nie kan verstaan nie. In Maart het ek van Gqeberha na Jeffreysbaai verhuis. Op die oppervlak het dit soos ’n eenvoudige skuif gelyk — ’n nuwe dorp, ’n nuwe ritme, ’n nuwe hoofstuk. Maar nou, wanneer ek terugkyk, sien ek hoe elke stap, elke wagperiode, elke teleurstelling eintlik deel was van God se dans. Ek sê “dans”, want Hy het die passes perfek uitgewerk — selfs toe ek nie die musiek kon hoor nie. Ek onthou hoe ek verlede jaar in Maart gekortlys is vir ’n pos in die burgemeester se kantoor. Ek het hoopvol gewag, gebid, en toe ek nkks hoor na die onderhoud nie, het ek geweet rk was onsuksesvol. Ek het net stil gebly. Ek het geweet ek moes nie stry met God se “nee” nie. Soms is gehoorsaamheid nie om te doen nie — dis om te laat gaan. Sewe maande later, onverwags, kry ek ’n op...
Lees meer

Matriekafskeid: Meer as net ’n aand van glans – Die krag van gemeenskap

-
Prent
Oor dekades heen, is ek gereeld na die matriekafskeid ‘send-off’ vir vriende en familie se kinders genooi. Vanjaar was dit my susterskind, Amber, se beurt om opgetooi te wees vir die belangrike ‘rite of passage’. Die matriekafskeid is een gebeurtenis wat helder uitstaan op elke matrikulant se kalender. Vir baie jongmense is dit ’n droomaand — die aand waarop jare se harde werk, opoffering en groei gevier word. Rokke, pakke, grimering, motors, photoshoots, musiek — alles word met soveel sorg beplan. Maar agter die blink glimlagte en pragtige foto’s lê iets dieper: die krag van gemeenskap . Meer as net mode en motors Vir sommige gesinne is die finansiële druk van ’n matriekafskeid werklik voelbaar. Tog sien ons telkens hoe gemeenskappe saamstaan om seker te maak dat elke jongmens die geleentheid kry om hierdie mylpaal te vier — ongeag hulle omstandighede. Ouers, bure, onderwysers, kerke, besighede en selfs vreemdelinge werk saam: ’n plaaslike haarkapper bied gratis haars...
Lees meer