Om bly te wees vir ander: ’n Teken van ware vreugde

-

In ’n wêreld waar almal probeer om hul eie pad te vind, is dit soms moeilik om werklik bly te wees vir ander se sukses. Ons sê dalk die regte woorde — “Ek’s so bly vir jou!” — maar diep binne voel daar ’n steek van jaloesie of onsekerheid. Tog lê daar groot krag, vrede en volwassenheid daarin om opreg saam met ander bly te wees.

 1. Blydskap sonder vergelyking

Wanneer iemand anders se seëninge jou ongemaklik maak, is dit dikwels omdat jy jouself vergelyk. Maar elke mens se pad is uniek — God se tydsberekening vir jou is nie dieselfde as vir hulle nie. Om bly te wees vir ander beteken om te vertrou dat daar ook ’n mooi seisoen vir jóú kom.

> “Verheug julle saam met dié wat bly is; huil saam met dié wat hartseer is.” – Romeine 12:15

2. ’n Hart wat juig, groei

As jy leer om ander se oorwinnings te vier, vind iets moois in jou hart plaas. Jy raak sagter, ryper, en meer vol van genade. Dis asof jy self ’n bietjie van daardie vreugde ontvang — want blydskap is aansteeklik.

Wanneer jy ander se prestasies celebrate, skep jy ruimte vir meer goedheid in jou eie lewe. Wat jy saai, sal jy maai.

 3. Die mooi van saam-wees

Om bly te wees vir ander bring mense nader. Dit bou vertroue, vriendskap en gemeenskap. In plaas daarvan om mekaar as kompetisie te sien, begin ons mekaar as geskenke te waardeer.

Ons almal het lig wat ons kan deel. En wanneer iemand anders se lig helder skyn, beteken dit nie joune is dof nie — dit maak net die wêreld ’n bietjie ligter.

4. Hoe om dit te leef

Sê dit:  Stuur daardie boodskap van geluk, selfs al voel jy effens ongemaklik.

Vier saam: Gaan drink koffie saam met iemand wat iets besonders bereik het.

Bid vir vrede in jou hart: Vra vir die genade om bly te wees sonder bitterheid.

Onthou jou eie pad: Jou storie is nog besig om geskryf te word.

Slotgedagte

Ware blydskap lê nie net daarin om self te wen nie, maar om ander se oorwinnings as deel van jou eie te sien. Wanneer jy leer om bly te wees vir ander, word jy ’n draer van hoop — iemand wat lig bring, selfs in ander se sonlig.

Mooi loop

Roslyn 



--


Opmerkings

Plaas 'n opmerking

Gewilde plasings van hierdie blog

Tussen Afskeid en Begin: Amber se Valedictory

-
Prent
Vandag het my susterskind, Amber, haar valedictory diens gehad — ’n oomblik wat voel soos die eindpunt van ’n lang, kronkelende pad én die begin van ’n heel nuwe reis. Twaalf jaar se skoolloopbaan, plus nog die jare in die crèche, kom vandag tot rus. ’n Groot hoofstuk word afgesluit, maar daar is ook die opgewondenheid van wat voorlê. Ek dink terug aan die klein dogtertjie wat haar eerste oggende by Small Wonders crèche deurgebring het — soms met trane, soms met glimlaggies vol nuuskierigheid. Daarna het sy by Moregrove Laerskool begin, waar sy nie net leer lees en skryf het nie, maar ook leer speel, droom en soms selfs “siek” speel. En dan was daar Uncle Haggie, die bestuurder van die skoolvervoer, wat haar op sulke dae sommer saam met hom gevat het om by sy suster te kuier. Dis hierdie klein stories wat vandag se groot oomblik soveel meer betekenisvol maak. Van daar af het die jare hul eie ritme aangeneem — projekte, sportdae, nuwe vriendskappe, soms hartseer, soms oorwinnings. By ...
Lees meer

Wanneer God jou vra om stil te bly: Gehoorsaamheid in die geheime seisoene

-
Prent
Daar is tye in die lewe wanneer God jou nie roep om te praat nie — Hy roep jou om stil te bly. Nie omdat jy niks het om te sê nie, maar omdat Hy besig is om dinge agter die skerms te rangskik op maniere wat jy nie kan verstaan nie. In Maart het ek van Gqeberha na Jeffreysbaai verhuis. Op die oppervlak het dit soos ’n eenvoudige skuif gelyk — ’n nuwe dorp, ’n nuwe ritme, ’n nuwe hoofstuk. Maar nou, wanneer ek terugkyk, sien ek hoe elke stap, elke wagperiode, elke teleurstelling eintlik deel was van God se dans. Ek sê “dans”, want Hy het die passes perfek uitgewerk — selfs toe ek nie die musiek kon hoor nie. Ek onthou hoe ek verlede jaar in Maart gekortlys is vir ’n pos in die burgemeester se kantoor. Ek het hoopvol gewag, gebid, en toe ek nkks hoor na die onderhoud nie, het ek geweet rk was onsuksesvol. Ek het net stil gebly. Ek het geweet ek moes nie stry met God se “nee” nie. Soms is gehoorsaamheid nie om te doen nie — dis om te laat gaan. Sewe maande later, onverwags, kry ek ’n op...
Lees meer

Matriekafskeid: Meer as net ’n aand van glans – Die krag van gemeenskap

-
Prent
Oor dekades heen, is ek gereeld na die matriekafskeid ‘send-off’ vir vriende en familie se kinders genooi. Vanjaar was dit my susterskind, Amber, se beurt om opgetooi te wees vir die belangrike ‘rite of passage’. Die matriekafskeid is een gebeurtenis wat helder uitstaan op elke matrikulant se kalender. Vir baie jongmense is dit ’n droomaand — die aand waarop jare se harde werk, opoffering en groei gevier word. Rokke, pakke, grimering, motors, photoshoots, musiek — alles word met soveel sorg beplan. Maar agter die blink glimlagte en pragtige foto’s lê iets dieper: die krag van gemeenskap . Meer as net mode en motors Vir sommige gesinne is die finansiële druk van ’n matriekafskeid werklik voelbaar. Tog sien ons telkens hoe gemeenskappe saamstaan om seker te maak dat elke jongmens die geleentheid kry om hierdie mylpaal te vier — ongeag hulle omstandighede. Ouers, bure, onderwysers, kerke, besighede en selfs vreemdelinge werk saam: ’n plaaslike haarkapper bied gratis haars...
Lees meer