'Flattening the curve'

-

 

17 Junie 2025

Kan dit wees dat ons vyf jaar gelede in die greep van die dodelike Corona-virus was?

En terwyl ons alles moontlik gedoen het om die kurwe te laat afplat [flatten the curve], en ons aan ‘n nuwe normal moes gewoond raak om die weerloses en hulle met onderliggende siektes te beskerm, is ons terug waar ons was pre-Covid.

Om die kurwe af te plat, is 'n openbaregesondheidstrategie wat bedoel is om die verspreiding van 'n virus te keer sodat die aantal mense wat gesondheidsorg nodig het, vertraag word en dat dié wat gesondheidsorgdienste verlang, dit oor 'n langer tydperk kan ontvang.

In alledaagse voorbeelde kan die afplat van die kurwe bloot beteken dat ons ‘n groeiende ‘trend’ vertraag om te keer dat die stelsel oorweldig word.

Die kilheid van die dood en die feit dat ons nie op die tradisionele manier van ons geliefdes kon afskeid neem, het geestelike en emosionele skade teweeggebring. Die kurwe is afgeplat, inentings [wat ook vir tweedrag gesorg het] is ontvang en minder mense het weens Covid-verwante komplikasies gesterf.

Ons is egter terug waar ons was. Ons het vergeet hoe 'devastating' die dood van geliefdes was. Ons neem steeds aanstoot, ons voel steeds dat alles 'n aanval op ons is en ons gebruik en misbruik weer mense om ons persoonlike mylpale te gebruik. Eintlik is ons erger as voor Covid.

In Gqeberha se noordelike areas is daar ‘n ander pandemie wat net aandag kry wanneer dit ons direk raak; bendegeweld.

Op Facebook lees ons gereeld ‘dit klap in Katokio’ of dit klap in die Ark’. En dan die vraag ‘wanneer gaan dit stop?’ of die uitroep ‘Here tree in’.

Gaan daar ‘n volgende generasie jongmans wees as ons kyk na die koers waarteen hulle uitgeroei word?

Wanneer gaan dit stop? Hoe moet ons maak of ‘n bydrae lewer dat hierdie kan afplat?

Die Kerk is notoriously stil oor die euwels op ons voorstoep wat ons ingryping nodig het. Het ons moed opgegee?

Is dit te laat vir die kurwe om af te plat? Is die stelsel nie alreeds oorweldig nie?

Of moet ons wag dat die Here intree?

 

Mooi loop

Roslyn

 

 

Opmerkings

Plaas 'n opmerking

Gewilde plasings van hierdie blog

Wanneer jou hart terugloop huis toe -en kerk toe ook

-
Prent
Die afgelope naweek - spesifiek gister - was nie 'n goeie een nie. Dit was Vroue-jaarfees by UCC Chatty - my huis-kerk - en vir die eerste keer was ek nie daar nie,  Een van my kinders Stacey het vir my videos van die singende vroue met aunt Marlene Ruiters aan die voorpunt - gestuur en net soos Goeie Vrydag 'i cried like a baby'. My man was bekommerd omdat ek uiters hartseer was. 'n Jaar gelede is my tannie se skoonma Mammie Mac Gallant by die einste Vrouejaarfees vereer. Mammie stap al na 100 toe. En ek was daar. Ons woon sedert 1 Maart in Jeffreysbaai waar kerk anders is as waar ek vandaan kom. Ek herinner myself gedurig daaraan om vir Jesus te soek en nie my tuiskerk in die nuwe gemeente nie. Verhuis is altyd 'n kombinasie van opwinding en verlange. Jy kry nuwe strate om in te ry, nuwe mense om te ontmoet, nuwe roetines om te bou. Maar soms, wanneer die stilte van die aand kom, loop jou gedagtes terug na waar jy vandaan kom – na die huis wat jou hart ken, en die...
Lees meer

Die pad met die minste spore

-
Prent
  19 Mei 2025 Netwerk24 se Nuutskeppings-kompetisie het die wenuitdrukking 'Die pad met die minste spore' vir 'Off the beaten path' opgelewer. Ek het ook ingeskryf, maar nie sukses behaal nie. Vrydagoggend is ons George toe vir ons kleindogter, Eliza, se 'Grandparents Day'. Dit was 'n aangename paar uur met haar en haar mammie Dominica. Soos gebruiklik het ons die N2 aangepak George toe. Die rit se drama is 'n storie vir 'n ander dag. Die terugrit was 'n perd van 'n ander skakering, want ek lei toe vir Tony na die N9. Dit was die pad met die minste spore. Vir etlike kilometers was daar nie nog voertuie in sig nie en het ons begin bekommerd raak oor die skaarste van petrolstasies op hierdie pad. Ons het later verby Misgund - waar vriendin Madelene gebore is - gery, toe Louterwater, Krakeelrivier [aunty Elbie en Eileen se geboortedorp], Joubertina [waar vriend Tienie se familie vandaan kom], en Kareedouw waar vriendin Denise se broer woon. In d...
Lees meer

Vangnet

-
Prent
13 Mei 2025 Gisteraand tussen selfoonspeletjies en Dealor no Deal op YouTube kyk, weerklink die woorde "safety net" in my kop. En ek het besef dis wat y bloruimte moet heet: Vangnet. Vangnet kan verskeie betekenisse hê, afhangende van die konteks waarin dit gebruik word: 1. Fisiese vangnet – 'n Groot net wat gebruik word om mense of voorwerpe op te vang, soos in 'n sirkus onder 'n trapeze of as 'n veiligheidsmaatreël vir mense wat van 'n hoogte moet spring. 2. Sosiale vangnet – 'n Stelsel van reëlings en maatreëls wat mense met finansiële of maatskaplike probleme help, soos werkloosheidsversekering of maatskaplike toelaes. 3. Ekonomiese vangnet – 'n Beskermingsmeganisme in finansies of besigheid wat help om verliese te beperk, soos sekere beleggingstrategieë of regeringsintervensies. Maar wat vir my belangrik is, is 'n geestelike/spirituele vangnet wat dikwels na 'n beskermende of ondersteunende stelsel binne 'n geloofsoortuiging of spi...
Lees meer