Meisie kyk hoe lyk jou hare!

-

 

5 Junie 2025

Mense na-aan my weet dat ek baie erg is oor my hare [of doilie soos Diana sê]. Ek het ‘n welige bos hare. Ek dink die feit dat my hare na die ongeluk alles afgheskeer is vir die gaatjies wat in my kop geboor moes word vir die in-traksie gedoente, het daartoe bygedra. Want toe dit teruggroei, was daar geen keer.

My vorige haarkapper Lollo het altyd gesê “jou hare is soos gras. Sodra dit water kry, groei dit”.

Ek het ‘n gereelde haarafspraak, want met een hand kan ek nie my hare was en droogblaas nie. Mense met twee funksionele hande sukkel om hul eie hare droog te blaas; dink jou in hoe sou ek sukkel. Ek was ook op die natural hair reis, maar ook daarvoor het jy twee hande nodig om presentable te lyk. En ek kan nie 'n kopdoek bind nie [volgens twee hande]. 

So, sou jy vra, wat is nou so spesiaal aan my hare. Weet julle, ek het al oorweeg om dit alles af te skeer, maar dan sou my ‘scars’ van die boorgate wys en dan sou julle dink ek was bietjie rof in my dae. Ander rede hoekom ek daarteen besluit het was omdat manlief bles is en hy daarvan hou om met my hare te speel. Dit verskaf hom genot en ek kan hom nie dit nie ontsê nie.

Maar ernstig nou; as ons hare mooi lyk, kan jy ‘n sak dra en jy sal mooi voel. Hare is meer as net hare. Dis deel van jou identiteit of dit kort of lank, natural of al die chemicals denkbaar al gebruik het. En as jy besluit om alles af te skeer is dit ook okay, want Lukas 12:7 sê: "Selfs die hare op julle kop is almal getel. [So dit wat teruggroei, is ook getel]

En op a bad hair day is daar altyd lipstiffie [hoe rooier, hoe beter], né Alvené.

 

Mooi loop

Roslyn



Opmerkings

Plaas 'n opmerking

Gewilde plasings van hierdie blog

Die pad met die minste spore

-
Prent
  19 Mei 2025 Netwerk24 se Nuutskeppings-kompetisie het die wenuitdrukking 'Die pad met die minste spore' vir 'Off the beaten path' opgelewer. Ek het ook ingeskryf, maar nie sukses behaal nie. Vrydagoggend is ons George toe vir ons kleindogter, Eliza, se 'Grandparents Day'. Dit was 'n aangename paar uur met haar en haar mammie Dominica. Soos gebruiklik het ons die N2 aangepak George toe. Die rit se drama is 'n storie vir 'n ander dag. Die terugrit was 'n perd van 'n ander skakering, want ek lei toe vir Tony na die N9. Dit was die pad met die minste spore. Vir etlike kilometers was daar nie nog voertuie in sig nie en het ons begin bekommerd raak oor die skaarste van petrolstasies op hierdie pad. Ons het later verby Misgund - waar vriendin Madelene gebore is - gery, toe Louterwater, Krakeelrivier [aunty Elbie en Eileen se geboortedorp], Joubertina [waar vriend Tienie se familie vandaan kom], en Kareedouw waar vriendin Denise se broer woon. In d...
Lees meer

Vangnet

-
Prent
13 Mei 2025 Gisteraand tussen selfoonspeletjies en Dealor no Deal op YouTube kyk, weerklink die woorde "safety net" in my kop. En ek het besef dis wat y bloruimte moet heet: Vangnet. Vangnet kan verskeie betekenisse hê, afhangende van die konteks waarin dit gebruik word: 1. Fisiese vangnet – 'n Groot net wat gebruik word om mense of voorwerpe op te vang, soos in 'n sirkus onder 'n trapeze of as 'n veiligheidsmaatreël vir mense wat van 'n hoogte moet spring. 2. Sosiale vangnet – 'n Stelsel van reëlings en maatreëls wat mense met finansiële of maatskaplike probleme help, soos werkloosheidsversekering of maatskaplike toelaes. 3. Ekonomiese vangnet – 'n Beskermingsmeganisme in finansies of besigheid wat help om verliese te beperk, soos sekere beleggingstrategieë of regeringsintervensies. Maar wat vir my belangrik is, is 'n geestelike/spirituele vangnet wat dikwels na 'n beskermende of ondersteunende stelsel binne 'n geloofsoortuiging of spi...
Lees meer

Wees lief vir jouself - jy mag maar

-
Prent
 14 Mei 2025 Ek lees vanoggend die volgende op Cece Winans se IG: 'Everything changes when you start living like you're loved—because you are. 'Gone are the days of begging for affirmation. When you know who you are and whose you are, you stop searching and start carrying the love of the Fathee who's already chosen you." Na dekades van nie vir myself wees nie, het dit my laat wonder hoe lief ons vir onsself is. Nie die 'kyk vir my, ek is so wonderlik' soort selfliefde nie. Nee. Die liefde wat jou laat besef dat Iemand het gedink jy is so waardevol dat Hy Sy lewe vir joune gee. Die liefde wat - wanneer jy in die spieel kyk - bevestig dat jy na God se beeld geskep is.  Wanneer jy besef dat Hy jou naam in Sy handpalms gegraveer het en Hy sê vir jou en my “omdat jy kostelik is in my oë, hooggeag en Ek jou liefhet”, moet jy WEET jy kan maar vir jouself wees. Die Koning van die Skepping is dan lief vir jou en vir my. Klink dit te eenvoudig? Dit is eenvoudig. Begi...
Lees meer