Desperaat vir Hom

 

Desperaatheid. Ons hoor gereeld van mense wat uit desperaatheid een of ander ding gedoen het. En omdat ons nie weet waarom hulle op ‘n sekere manier optree nie, veroordeel ons hulle.

Uit desperaatheid sien ‘n ma dalk nie ‘n ander uitweg om brood op die tafel sit nie. Die familie en vriende brom al onderlangs wanneer hulle haar sien aankom en weet sy kom soek of ‘n pot se plan of geld vir brood of krag.

Omdat sy nie lus is vir oordeel-oë of jammerkry-oë of twenty questions nie, maak sy ‘n desperate plan. Sy word of ‘n shoplifter, steel goed by ander mense se huise of sy verkoop haar liggaam.

Ander kry dalk kind op kind om die staatstoelae te ontvang.

Dan is daar ander wat desperaat is vir liefde en laat mense in hul lewens toe wat hulle duur te staan kom. Hulle maak skuld en neem besluite wat been regdenkende mens sou neem nie.  En wanneer die “object of their affection” jou leeg gesuig het en sy/haar volgende prooi geidentifiseer het, sit jy met die skuld en in groot verleentheid.

Been there.  Done that.  Got the t-shirt. En ek kan nie glo ek was so desperaat-dom nie.

En die woorde ‘is sy/hy dan so desperate?” wanneer iemand ‘n verhouding het met ‘n persoon wat nie aantreklik/mooi is of wat hulle sleg behandel, is wat ons gereeld hoor.

Michael. W. Smith sing:

 This is the air I breathe
This is the air I breathe
Your holy presence living in me
This is my daily bread
This is my daily bread
Your very word spoken to me

And I, I'm desperate for You
And I, I'm lost without You

Na jare van soek vir ‘validation’ kan ek met selfvertroue deel dat ek net DESPERAAT vir JESUS is.  Want sonder Hom is ek heeltemal verlore. My huwelik, familie of wie ek in die kerk of gemeenskap is, definieer my nie. My hunkering en desperaatheid vir Jesus se teenwoordigheid is wat my laat tick.

Probeer dit. Die lewe word dan kalmer, jou hart klop reelmatig en drama is ‘n vreemdeling.

Mooi loop

Roslyn